塘人的接電話恐懼症

塘人一向都好怕用電話,怕的地步簡直可以用恐懼來形容,所以很多時除了自己經常打認識的電話之外,接其他電話都會交由塘人老婆代勞(返工時都照例關機)。

塘人恐懼電話的來源是塘人老媽的奪命追魂Call加打爆留言;以前塘人還在打餐館工作的時間遇上餐期忙到頭頂出煙時都無可能接到電話,到終於有機會望到個電話時都會發現幾十個Missed Call 加埋留言。

唔好以為塘人老媽咁十萬火急地打爆塘人的電話係會有特別緊要事,佢只不過係想用這個方法逼到塘人主動開口求佢快D送(係無身份地送過來而唔係合法申請)塘人老弟過美國 – 美國身份代價,唔想家變的塘人就對她永遠地Say No ,激到佢更加搏命地打爆塘人的電話,講個種唔理屋企人會有來世報應又或者講塘人老婆識落降頭神打之類的無謂說話 – 靈驗無比

後來本地有一個多事的阿姨 – 缺裂 竟然將塘人工作的餐館電話告訴了塘人老媽,於是她便與塘人老弟一起車輪戰式地狂打餐館電話,務求用更多的神怪論使塘人盡快答應她們的心願,有好幾次餐館電話被她們佔線,導致客人打不進來。塘人雖然向老爸反映過,但卻轉頭被他出賣向老媽報串, 換來了更大的怨言

自此每當塘人收到她們的電話都會Cut 線,但同時亦都患上了電話恐懼症,每次自己的手提電話或者是餐館電話嚮都怕定先,雖然自己有股份,拍擋怨了幾句就算,但塘人自知這份工作已經做不落去了。

2009年回港期間塘人兩公婆諗住拆掂件事,便提出塘人老弟要有份穩定工作兼娶到老婆才會幫他申請,不過塘人老媽不但態度惡劣加堅決,更講了兩句塘人兩公婆至今還津津樂道的話 – “我理得您頭家散唔散!總之我就係要送佢(老弟)過去(美國)!“ ,“樓下(的女人)通街都係雞(妓女)!“,眼見對方咁蠻講唔掂數,連塘人那個有宗教信仰的親生阿姨原本想幫手調解到最後都變成逃之么么,塘人就唯有決定不再交涉落去。

塘人回美後 – 那一天,我以為已經達成財務自由 工又無錢又無,手提電話Cut咗,其中一部車又賣埋;如果唔係塘人老婆被人撞咗另一架車就差點連租都交唔出要訓街;後來到有時間回口氣時才知道自塘人兩公婆回美後,外父家遭受了強烈的電話攻擊,而且這個亦是塘人與老婆外家的關係轉差的其中一條導火線;後來更連累到幾個塘人的中學同學都中埋招被她們兩母子跟蹤和騷擾。

後來塘人的經濟環境好些少,買了樓1後又是同一個多事的阿姨就將塘人新的手提電話再次交到塘人老媽手上,從此塘人的留言信箱又再一次被填滿。不過而家科技先進,電話可以唔使接就直接轉去留言,如果唔係嘈住訓覺和日常生活都幾慘情。

突然發現, 其實老媽應該去幫財仔打工, 不過佢份人咁怕因果報應又未必肯 ;而且直到今時今日, 老弟依然未試過打到一份工超過半年, 更枉論娶到老婆吧

廣告

2 thoughts on “塘人的接電話恐懼症

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s