成為Blogger之前

塘人開始寫文是在2009年尾從香港返回美國開始;原因是當時借孖展從股票Option Short 咗嘅一大堆期權合約全部中伏,止蝕後所有本金都所餘無幾兼還有債 – 那一天,我以為已經達成財務自由,雪上加霜的是當時經濟差所以只能打一些臨時工作,寫文就變成了塘人當時的財源之一。

好多人覺得寫文瀏覽率低和無錢賺,但其實就係搵到條渠道推文的話,持之以恆咁寫都總會有出頭天。塘人開頭的文章Link都放在美國的華人網,可能有些華人都知道寫文的目的,所以都很樂意去Click啲廣告,讓當時的塘人可以賺些錢 – 我路拾遺的副業

後來塘人經濟穩定之後就無再寫了,因為覺得寫英文始終難以表達,就在兩年前塘人寫文的平台被買斷易手,並讓所有作家決定去留;最後塘人當然決定便把所有文賣掉,得款六十八美元。

再寫文又是在2012從港返美之後,因為這次行程去得很屈悶,原因是以為可以約啲表弟表妹和中學Miss出來食飯,點知個個都避而不出,尤其是表妹更暗示是塘人的阿姨唔淮聯絡;原來是塘人兩公婆在捱生捱死諗住東山再起的這段日子,塘人老媽一直都在周圍點火頭扯後腿 – 天降大任于斯人也

就是因為這個屈悶情緒,塘人就開始在臉書上寫文;寫了頭幾篇後就被塘人老弟不停地X老母(X 返佢自己個老母?),說塘人寫呢啲嘢俾人睇哂啲家事,搞到佢哋無X哂臉子。

然後是有次塘人寫有關飛仔仲有義氣過所謂啲舊相識時,就輪到個中學Miss講塘人思想教壞人,要更正;更有次有一個親戚打嚟問塘人老婆說塘人怨氣太大,頂唔順。最後塘人有感臉書並不是寫文俾人睇的好地方,於是便唔再寫了 – 被剝奪的選擇權

後來接觸到Anthony Chung 的第一桶金Blog,便發現咗原來要寫文係可以咁樣寫,就算有人唔鍾意睇,但起碼大家唔識大家,所以無咁多壓力;最後塘人便在這裏寫文直到現在了。

廣告

18 thoughts on “成為Blogger之前

  1. 你好塘兄,
    想請教點解孖展sc 會出事,係咪用盡孖展額!(本人諗住都用此方法,不過係用5成額度左右。安全系數我估足夠),希望指教

    按讚數

  2. 當時跌得太勁破哂所有安全位, 補完Margin Call既錢無幾日又再俾人Call過, 補補下補到無錢(借埋Credit Card既錢)就局住兩邊賣來止蝕(SC和股票), 所以SC係大跌時用孖展一定死緊

    按讚數

  3. 係視乎股票價格而定嘅,我用個間係十蚊以上嘅股票就可以50%,五至十蚊就再減半。我當時都會留返一二千蚊嚟避免Margin Call 。不過大跌市時完全無用

    按讚數

  4. 由於塘人當年係借孖展來買入股票後再Covered Call,當股票下跌證券行就會Margin Call ,但由於CC綁死了股票就只能夠逼塘人補錢,無錢補就只能夠贖回CC再賤賣股票來填回孖展,是故傷上再加傷。

    期賣未到最後一日依然會有點價值,所以未去到零。

    按讚數

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s