屋邨仔

係塘人細過時所一起玩樂過的小朋友當中,出咗兩個在現時香港有返些少名氣的人;其中一個係足球教練,而另一個係兒科醫生。

之所以覺得佢兩位人兄出咗名,原來係因為他們的大名和過往事績都可以係維基百科度搵到;雖然維基呢樣嘢係人人都可以上去寫返幾篇,不過斷估唔會有人咁無聊,自己幫自己寫一篇水蛇春咁長嘅維基吧。

另外他們兩位都上過無線電視,係咩嘢節目塘人就無謂講啦,因為費事俾佢哋見到呢篇文時話塘人誹謗佢哋,要知道出咗名嘅人未必鍾意人哋提返佢哋啲舊嘢。

雖然佢哋兩位都有臉書Account,不過就唔受塘人Add,原先以為佢哋因太耐唔認得塘人所以就各自寫咗篇自我介紹俾佢哋,後來又係見到Seen咗不過無反應,可能佢哋長大成人後怕咗有機會搵佢哋着數嘅舊玩伴,又或者是其他因由。

講返佢哋篇維基文章,簡直可以用隻字不提來講佢哋原本都係一個屋邨仔;更有人離譜到老作自己的家庭背景,而且仲寫到自己嘅人生同目標好似在兒時已經萌芽咁款,搞到由細對到佢哋大嘅塘人都有啲汗顏嘅感覺。

本來童年老友發跡係令塘人非常高興的事,但係見到佢哋又好刻意地隱瞞自己的屋邨出身時又覺得佢哋好自欺欺人。

廣告

2 thoughts on “屋邨仔

  1. 做醫生嗰個由細個已經串串哋眼角好高㗎啦。

    踢波嗰個就原本有個完滿家庭,不過後來就變得好複雜。

    所以佢哋唔想望返自己嘅過去係唔出奇。

    按讚數

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s