樓3的美中不足

上星期六晚上塘人開地產網時就見到一個剛剛出爐的新盤;八百呎一房並位於山邊中產區;為免重蹈覆徹,塘人連樓都唔睇就立即斬佢開價5%落Offer,並等對方受咗才睇樓。

不過對方賣家這位老太婆(已經被塘人起底)就不吃塘人個套,向賣方代理堅持要塘人先睇樓後再講價,於是塘人就唯有於星期日由屋企開十分鐘車左右去東邊山睇樓。

睇完其實就無咩特別,又係樓一間,只不過始終是中產區所以有園林溪流再加被鐵圍欄圍住整個社區,不過條正門大閘是長期打開,所以塘人就唔覺得對保安有任何幫助。

唯一兩樣好處就是向南(基本上塘人都Prefer向東或南)陽光夠,加上老太婆是唯一的業主,她除了換了地顫,廚房和厠所櫃面之外,還裝了一部軟水機。

當然些少維修都在所難免,不過這些都可以找塘人自己所用的租務管理公司處借(俾錢)人來做,因為信不過在外面找的技工。

另外,該區似乎又是與樓1,2一樣都有幾件收租大業主,見到他人財雄勢大,塘人這類小業主真的要倒抽一口涼氣。

睇過還可以後又埋位講錢,老太婆不願被斬5%,於是塘人便加多兩千美元,但條件是明年初才埋單,原以為老太婆會對此有意見,怎料數小時後她就接受了,從此樓3開始進入法律程序。

到了當晚塘人才有機會看一看業主立案法團的法律文件,因為個Office打極電話都無人接,最後唯有自己上網搵;但唔睇還好,一睇就知道PK,原來整個社區都禁養任何動物(包括魚),違例一律罰每月五百。

塘人即時心想到的第一個念頭是Walk Away 攞返啲訂金(同是五百),因為塘人屋企個隻由香港移民過來的16歲貓肯定就送俾自己人(平時佢哋口口聲聲話掛住隻貓,到話俾佢哋時就話怕貓毛)都無人要。

不過冷靜下來後就覺得怕佢有毛,距離攞鎖匙還有個多月,頂多到時真係被發現(罰錢前會出Warning)時就收返樓1,2自己住,就算唔收樓都可以選擇租人屋住,總之人一有選擇時就唔會有絕路;反正住夠一年後塘人又再搬去其他地方,然後又玩放租, 租出後估計月入都會有百幾蚊。

不過點都好,總是覺得這次買樓3時就諸事不順;原因可能是塘人老婆自己單名買(買樓1時也是很不順, 而且塘人當時都係咩都唔識),迷信啲講就係她身後太多有怨氣但又唔長進的姊妹和朋友,好的時候她們不會高興, 衰時就會來踩多幾腳, 所以有這些親朋真是人生不幸,

廣告

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s