Hea之國度

images.jpg

塘人最近看到一篇美國新聞, 講述一位大陸商人花了幾千萬在美國(舊)車城底特律買了一間做玻璃的公司, 之後由於覺得美國人經理只懂得收人工但做不出效率, 於是乎便更換了一批大陸人做管理, 不過新管理層卻受到美國工人們告發工作環境, 對員工刻薄和安全有問題而不斷被勞工部罰款。

與鬼共事十多年, 塘人一開始覺得鬼佬做工與華人相比實在一點都不Efficient , 而且懶得就懶, 又多口水廢話說不停, 於是乎便自己做呀做, 自以為與所謂的華人老細共甘共苦, 為兩餐肯蝕底來換多點Schedule;

結果不言而喻, 打華人工班老細只塘人肯蝕底多做就把他人的工作量Shift過來, 變相根本是在懲罰住塘人, 但打黑工時薪本身就比其他人少, 根本就是搵塘人笨實;

後來自己所謂與人合作做生意, 見到啲員工還是一樣踢極都唔郁, 抵唔住頸自己插隻手入去做埋一份, 結果最終變成是員工睇住老細狂做, 他們就企係度吹水, 行行企企都唔會幫手做, 令塘人有感做老細仲慘撚過打工, 後來金融風暴至, 連出自己糧都無錢, 最後就玩撚完。

後來變為打鬼佬工, 加上年紀大了才逐漸懂得Hea做, 與同事吹吹水, 行行企企慢慢做才是在美國打工的良好態度, 反正個時薪Pay都係一柒樣, 做咁快有撚獎嗎?  另外公司也情願Pay Overtime來讓員工慢慢做, 好過做到受傷或出心理病而導致不能上班。

美國的大部分兒童似乎從出生開始就被父母放任地成長, 在公眾地方看不到他們如亞洲兒童般守規沉默, 又看不到他們除了周圍蹦蹦跳跳之外有何天聰技能, 不過他們就是享受住真正的童年;

似乎外國的文化中, 兒童是屬於社會的, 父母的角色只是負責監護而已, 所以經常都聽說美國父母在子女十八歲讀完高中上大學時就踢出門口自己住, 因為父母認為自己已經完成監護責任, 從此子女要自己食自己, 而父母自己可能有儲蓄和國家社安金退休福利, 沒有要子女供養老的念頭。

所以對人際關係, 工作, 家庭, 學業, 理財等等, 美國文化很難會令人感到甚麼很大的壓力, 真有點壓力, 做得唔暢快就Quit, 其實也沒有啥所謂, 反而好像在亞洲這些事情都很Serious , 但也沒有所謂好與不好, 反正是各有長短而已。

廣告

4 thoughts on “Hea之國度

  1. 其實咁樣都唔差ar,香港or 中國人咁樣做野法,其實除左錢(可能冇tim),人生重有咩得著。

    Alan

    按讚數

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s