月份:八月 2017

加租吧!

greedy-man-asking-for-money

塘人做了兩年良心業主, 終於忍無可忍地決定加租, 是關班租客太多維修要求, 更有一件在搬出搬入時用U-haul truck撞爆了公家地的水管, 導致塘人將會被HOA罰錢維修, 實在討厭班死鬼的粗皮老殼;

之後以加租的價錢Renew了幾份Contract, 就只有一個租客會搬走, 其餘就話今年唔搬下年搬, 塘人實在理鬼你班友講咩, 總之你哋最好今年坐定定係度交足數;

9月要搬走的樓4已經有十幾份查詢何時Available, 所以塘人實在不太擔心租不出, 只是要在換租客之前花一千蚊左右翻新一下, 這條數當年由新租客負責幫手供, 另一邊塘人向稅局Claim稅;

工作方面塘人由於Training和Operation誇部門兩邊企, 得以兩邊Hea住地做又狂Claim OT錢, Operation的塘人上司對此有點不滿, 覺得塘人以此尸位素餐, 做得咁Hea兼長此下去人工可以仲高過佢做Sup, 不過此乃做兩邊部門的好處, 收兩家茶禮, 無王管的情況下佢又奈塘人唔何。

廣告

買金

AA

向Blog友Lisa姐介紹後得知到一些買金銀的網站, 於是乎便試一試不去實體店上網買, 因為去開的實體店既很忙, 更似乎覺得塘人買得一百幾美金還要碌卡面露不屑, 當然其實在其他四五位數字出入兼付Cash的其他顧客比較下, 塘人的交易實在少得可憐;

以往買銀後覺得很難保存, 就算手指未接觸過都勁容易變黑, 令塘人十分之心痛, 所以這次決定試買有包裝的金, 希望會易點保存;

由於Budget有限, 這次求其買夠99美元免費送貨, 只得兩gram的999.9金條, 少有少玩面已;

很多人覺得買金無咩用, 既難脫手又無現金流, 當然對工作收入不多, 希望以投資來改善生活的人買入金屬並不是很好的選擇, 不過當現金流入有些改善後, 多餘的現金最好用來購入些金銀, 純作Backup而已, 不能期望他朝升價賣掉;

當年塘人在香港被外父外母逼打牌, 輸到真係剩返條金鍊, 熔掉後得到一皮嘢港紙左右, 頂得一陣。

Blogger中有不少資產數或收入已達一定程度的也作金銀或收藏品投資, 有些少錢時不一定要加碼證券或被動收入資產, 也要有個Backup, 世道改變,這個Backup已經不能依靠現金來維持。

不做文化奴

73828939.jpg

今期塘人除了對住3件學生之外, 也要負責Train一件與塘人同期入行的同事做Trainer;

不過此君卻突然獲批了另外一個部門的Supervisor的職位, 由於塘人以前也嘗試過如此跳級地去Apply卻連In都無得In, 才走去做Training去Earn經驗, 所以之前也說過塘人內心有點不太平衡, 不過過了幾日已經平復, 只有認命等機會。

由於他9月才開始上任新職位, 多日的相處後塘人終於與他也閒話家常, 原來他不是老墨而是印第安人後代, 卻娶了個M教白妹, 所以婚前婚後外家對他都很有意見;

由於要令外家肯嫁個女, 印第安同事當年唯有扮信M教, 令他們可以去M教Temple結婚, 不過始終都係扮信, 婚後他就斷去Church, 順便說服了他老婆一起脫教,當然班M教教友親戚不會放過他們, 所以曾遭到煩擾一陣子;

他說之前Apply過幾次升職都不成功, 外母就借機譏諷他說他不去Church, 所以就得不到神的眷顧, 這次意外的升職可以令他吐氣揚眉, Shut一Shut外家把口, 塘人笑說他們呢邊入唔到, 總會有另一個位去入吧。

獲得升職, 原本他無想過要買新車, 不過被塘人說多幾嘢就突然幻想起揸住架新的Toyota4x4一家人去他們的印第安封地玩玩, 向外家示威威都應該幾過癮, 於是乎便開始搵新車, 塘人暗笑人的欲望實在很易就被引發。

塘人現在一向只教人花費得起就應該去消費, 覺得無必要去指人投資或財自的。

半工讀的學生

6a08ed90-fb9f-11e5-8cad-ffc41fa646a7_ThinkstockPhotos-512058184.jpg

塘人今期所帶的學生中, 有一件兩年前來自法國的後生仔, 由於這件樣子老成的細路還要在猶他大學讀書, 所以只做下午Part time, 所以Training時間較短, 下個星期經塘人的其他同事考核後就畢業on his own開工;

由於Training過後就不會點再見, 塘人覺得他這段時間內聽教聽話快上手無給塘人甚麼headache就請他食個Tea, 搞笑在他只肯買一個Cookie, 塘人心諗好嘢條後生仔有前途;

閒話家常, 法國後生仔來到猶他州的原因純粹是兩年多前與來傳教的M教老婆一見鍾情, 未幾結婚就然後做過埠新郎來美搞掂身份, 現在和他的老婆在猶他大學一齊讀書, 在大學附近租住一間Apartment;

塘人心想幸好你們是鬼類, 華人的愛情可不是就咁兩個人的事, 唔係你哋鍾意就可以結婚, 還要面對變態的文化, 昂貴的面子工程, That’s why就好多人結唔到婚, 或太多計較下連拖都未拍過;

由於件後生仔讀城市設計規劃, 所以就教他可想先在公司打份工賺點生活費, 然後等大學畢業後Internally 申請與他所讀有關的職位, 不過只是吹水而已, 條仔似乎認真, 狂問塘人如何去玩這個Game Plan;

然後塘人問他會否在未生活穩定賺到錢前就生兒育女, 他的答案竟是否定, 塘人以前做餐館時就見不少未讀完書的M教夫妻窮到燶都要內射生育, 或許始終條仔有腦就唔會咁憨鳩, 像一些人般扮窮拿着政府津貼或助學金去享受生活;

塘人一向欣賞勤勞向上, 識計劃的人, 覺得此仔就算上不到最高位, 起碼以現時靠自己兩公婆努力站穩腳過安定生活照計無咩大問題。

Book回港機票酒店經驗

main-qimg-6da23b61f9b2a00ee87b347076730bfc-c.jpg

塘人一向把唔係好Friend, 但發現咗的Blog以自己名義追看(私下有兩句兼互Link的就放Blog連結), 因為唔Friend, 要寫他們好/壞話的話隨手可得, 當然如果連好/壞話都無得好寫的話就索性唔追, 無謂洗版;

要說壞話的話, 曾經有一位塘人覺得佢份人應會幾Cheap的Blogger向塘人多次伸手問買樓收租問題, 當然依塘人習性會叫她請食飯, 不過此人當然口爽荷包立, 幾次扮哂嘢唔肯蒲頭;

還是依照塘人脾性會寫文暗串她很Cheap, 她就反應很大知道在寫她Cheap, 塘人暗爽時也給了她一個很好的藉口, 卸下了真的要請塘人食飯的心理包袱;

說起這個Blogger實在有一個特點, 就是一次旅行分十幾篇文來寫, 可能在她角度讀者皆老人痴呆, 或沒有相當智慧知道她其實想大家幫手Click廣告, 好讓她的Airbnb和Groupon有多幾蚊Credit, 彌補她一家的多餘開支, 因為她經常說自己一家很貧窮, 卻生活水平,年紀和學歷都比人家高, 或許打工要交稅, 經過Cheap腦過濾後覺得坐在家中等救濟Jetso較多。

壞話說完, 其實都要對她有個終結, 費事塘人自己犯相同錯誤, 自打嘴巴一件事分十幾篇文來寫, 所以今期講一講Book回港機票酒店, 務求一篇文搞掂;

塘人的假期十分之珍貴, 當然也很錫命, 原因主要還是自己年紀很細就被屋企踢出來做工, 意外一次幫幾間餐廳倒餿水途中被女同學們行街見到, 自此便如同受詛咒般在學校受語言欺凌, 自此覺得對住書好過對人, 避了班八婆八公後竟錯過了所謂的青春歲月;

正因為錫命, 再加上經常追看空中浩劫, 塘人不夠膽坐規模細和安全記錄不良的航空公司, 更不想轉太多機走浪費時間, 所以一月時就已經望實機票價, 覺得就算不能Book到最平, 但起碼首先要知價;

機票如此, 酒店如是, 塘人也一直望實啲酒店價, 另外當然從那些真心寫從外國回港旅行經驗而不是只為想讀者Click廣告的Blogger取經, 得知那間香港酒店起碼住得舒服;

或許很多港人看到此覺得其實香港無咩特別好玩, 去其他亞洲國家好過, 不過對塘人這些幾年都不回港一次的人來說卻不是這回事, 就算自己細個住在香港時只懂埋書堆, 屋企也沒給多少錢和節目讓塘人外出, 根本很多香港地方都未曾去過。

講到此塘人並沒有說過要如何去旅行省錢, 原因就只是覺得個價錢比之前看到的平均更便宜,自己覺得Afford得到兼信用卡積分Mile夠填補一些後就落鎚, 另外Book酒店網站自動彈Coupon Code, 數字遊戲下又所謂省了一些錢而已。

活死人

lazy-worker.jpg

塘人從前大部分時間都在龍蛇混雜的美式中餐業打滾, 再加上看客人神色就知道他們會豪爽地俾Tips與否, 另再加上從小看了一大堆手相面相, 心理學書, 於是乎便無師自通地地發明了一套觀人面相就知道其性格之術, 而且准率極高, 有時其實希望自己看錯, 不太希望咁准;

上星期加班時遇上一件應該後生(因為睇唔清楚樣)的亞裔女學生, 立時感覺到她肯定借意和塘人搭哆, 點知又真中!  後來把此事告訴塘人老婆, 她反問條女是否有大近視, 可能要睇眼科和另配眼鏡;

之前說過今期塘人有三件學生, 有件從加州搬來的老黑鬼婆就一開始令塘人感到不太對路, 之後相處一陣子就更證明她很縮埋一舊, 成副"我來只是混口飯食"的態度, 課程所教之事全部雖點頭話懂兼無任何問題, 到實際操作時錯漏百出, 不過塘人不Surprise, 因為已經預咗;

課程再過多幾日, 另外兩件學生已經接近Ready to Work, 老黑依然毫無進度, 再加上她一次遲到才知道原來她無車返工, 而且電話已因無交費而被Cut;

塘人心想再一次遲到就可以Fire她, 現在塘人對自己感覺不對路的人絕不手軟, 尤其是所謂可憐之人必有可恨, 她活到一把年紀還要搞到自己無車無電話肯定不是甚麼好東西, 所以不會可憐她;

由於她依然是"我來混口飯食, 混得一日得一日"的態度, 塘人已預算她無進展的話就不會讓她完成Training, 當然還要不斷地與培訓部門溝通, 準備好所有文件, 為自己劃好防火線。

經營

d711b4743a374bfea59c951d12cfb745.jpeg

原本塘人以為做完Lasik之後可以休返幾日, 無奈既要Training新人, 也要加班撲水去填補這幾個月內多餘的用費, 似乎就唯有認了自己這條勞碌命去做工, 一邊等視力慢慢地回復了;

做Lasik之前以為這種手術後視力會立即回復9成以上, 不過似乎是自己無知, 手術完後一日Follow Up似乎只得一半左右回復, 再過一個星期再Follow Up好像只得7成左右, 而且還好像有乾眼問題, 用了好幾盒人工眼淚水。

最近對眼依然時好時差, 趁機就狂煲一套很久以前就注意過, 但隨即就忘記了的歷史記錄影片"由秦始皇至漢武帝", 主要由民生, 經濟, 文化和軍事各方面去講解秦漢經營天下的背景,時機和得失;

影片中說秦始皇消滅六國之後, 急於令六國臣民認同秦帝國的中央集團統治, 另外無視天下初定去讓人民去休養生息, 急急忙忙地抽用天下六分之一的勞動力去營建, 導致農產凋敝, 糧食價格暴漲;

秦國的民生經濟發生問題, 加上秦法嚴謹, 徭役繁重, 導致民變四起, 秦始皇死後六國舊貴族趁機復國, 之後秦朝被滅, 由秦滅六國到滅亡, 就只得十五年的國祚而已。

楚漢相爭之後漢朝初立, 經過四代皇帝共七十年對內外的忍辱經營, 以法行政兼對民生無為而治, 終於傳至漢武帝時真正地實行了中央集權統治, 另外更驅趕外族, 免除了邊患, 不過漢武之時用透了漢朝家底, 加上中央集權的弊病, 自此漢帝國便開始走下坡了。

廢話太多, 說穿了無論經營甚麼都要看把握時機, 家底背景多寡和調解各方利益衝突的能力,不過這些前提條件最令人感到無奈的是時局多變, 收放多少也要隨時調整,順得哥時失嫂意, 只要不被滅亡就總得玩下去。