This is America, ya know?

credit-card-reform-legislation-would-tighten-rules-on-rates-and-fees-87874564-576f6ece3df78cb62cdbdbba.jpg

話說某晚塘人兩公婆去一間離家差不多半粒鐘車程的韓國餐廳食飯, 其實間嘢唔係話特別好食, 只不過塘人習慣去呢間就懶得轉, 而且有件與塘人青梅竹馬差不多樣貌,話頭醒尾韓妹做Server, 一來到都知道塘人兩公婆食來食去同一味兩個連湯的Combo餐, 加起來四十幾蚊左右;

這一晚一來到塘人不見韓妹都已經無咩癮, 因為其他在此做Server的韓國仔通常一擺低餸就唔見影, 可以Refill的韓國泡菜就借啲依唔提佢哋就唔Fill, 不過揸了咁耐車來到, 唯有照坐低食;

食完後一睇單果然中伏, 原本的Combo餐條韓國仔Server玩分開逐樣計錢, 由四十蚊變成六十蚊, 於是塘人便叫他過來, 問為何叫同一味嘢, 韓妹計塘人四十, 你就計六十;

韓國仔一嘢就答塘人幾年以來一直叫錯餐, 條韓女應該計返塘人六十, 塘人沒有理他就說他明知塘人叫Combo, 還特登餐與湯分開計是不是要扣返, 他就說不會扣;

然後塘人再說不扣的話就不會再來, 是關又不是近, 是否還不肯扣?  他還是說不會扣;

第三次塘人再說自己不但不會再來, 還會在Google上如實負評, 這樣還是否不肯扣?  韓仔說就算怎樣都不會扣, 於是塘人一句"Fine", 就給他信用卡去碌;

信用卡碌完後, 韓國仔明知不會有小費, 禮貌服務都欠奉, 塘人老婆問簽完張單是否要撕碎交回給他, 塘人突然靈機一閃, 想起以前鬼仔Roommate在一間叫Outback的扒房餐廳做Server時所提及過的一件事, 就叫老婆不用簽或還給他, 直接一齊帶走;

話說以前塘人美文還不太好, 只識中餐美文, 鬼仔Jason跟塘人抱怨說在Outback做Server時某位客人大意把信用卡留給商人的單帶走, 小費卻簽在客人單留下, 於是餐廳就不給他那廿多美元的小費, 說因為沒有客人的簽名;

所以塘人就把商人單帶走, 當條六十蚊數officially出來後就打電話給信用卡公司如實所說去Dispute 這條數, 扣回和以前用餐一樣所付四十幾蚊的價錢, 信用卡公司問了塘人幾條問題, 例如是否餐牌加了價或是否有Subcharge小費等等, 然後就給塘人扣回這條數;

以前塘人做餐館時的老闆們一向都不會如此企硬, 有次塘人問其中一位老闆為何要給一個純粹覺得唔合口味的客人退錢, 他解釋說趕走一個客就等同趕走成村客, 所以退錢令他下氣了件事, 當然最好還是他肯換餐就解決到;

由於這次事件和嫌遠塘人就不會再去這間韓國餐了, 唯有另外再做Research 找另一間。

廣告

8 thoughts on “This is America, ya know?

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s