月份:十一月 2017

車行攻防戰

24059389_1481316325267938_183491779170345620_o.jpg

塘人講咗要買車好耐, 不過一直都未買到, 主要還是固執地維持唔會用自己勞力去供唔等使嘢的理財原則, 既然一日自己個十年車仲揸得, 一日都仲等得, 慢慢儲租金股息後再講;

由於最近這些股息和剩租金收入都開始達標, 夠幫塘人用六年車按來供部SUV, 所以就開始四圍望, 睇下有咩車合心水;

網上有位成日教人度縮的港師奶話最好Lease一部車抵過供一部車, 因為每月付款好像較為低, 而且lease期(36 months)完後可以用較低價錢去買回這部車, 她自己就覺得很化算;

以塘人所認知, lease車對做生意的人就抵, 因為月付款可當作公司expense來扣稅(供車就要用depreciation), 對個人來說除咗confuse自己盤數之外就唔知抵咗啲咩 , 何況到lease期完時要賣給你幾多由車行決定,除咗是短視着重眼前慳幾多月payment之外, 塘人實在諗唔到有邊方面抵咗;

說回塘人睇中咗部2018Ford Escape All Wheel Drive SUV就約試車, 車行件Agent話自己係加州嚟, 不斷地話Utah又凍又落雪所以呢部車最好, 不過塘人純粹想試部車, 理鬼佢吹乜x;

試完車塘人準備睇完報價就走, 因為本來就無諗住十一月買, 條友突然就話自己有部今年model做緊特價, 叫塘人入office等一陣等佢揸㗎車出嚟;

塘人眼尾瞄到條友根本就無走去搵車, 根本就係度行行企企搵人吹水, 不過純粹想睇報價去知道自己每個月去供幾多, 同埋要有個VIN去俾保險Jon去格價;

於是塘人就同佢個助手講佢條boss再唔返嚟我就走, 然後條仆街就攞咗3張報價單出嚟, 講塘人買剛剛試揸個部2018年model係幾多, 今年model又幾多, 佢discount部塘人個部又幾多等等;

期間條友又話唔會care塘人用Ford Special一係0%供車或廠商Rebate3千蚊, 塘人就話既然係咁就俾Cash攞3千, 條友呆x咗一陣後又改口話prefer塘人向他們申請車貸, 就算付Cash都不會有更大的discount;

塘人心諗你講乜x嘢, 就跟他說無打算今月買, 因為十一月只剩幾日, 條仆街就話想十一月完成個deal, 塘人心諗到底係你買車定係我買車, 乜x時候變x咗係你條仆街話事;

講咗等咗咁耐, 塘人老婆問佢:"車呢?", 條友話借咗俾個客揸, 預咗有兩三千個miles, 所以至會discount俾塘人, 於是塘人就問佢即係部車唔會係Brand New, 佢又話唔係, 因為會當新車嚟賣, 而保養期也會跟隨被他人用了多少來增大;

講到尾條友依然無車俾塘人睇, 佢又叫塘人等一等, 又等佢一輪後就揸咗另一部同年唔同款嘅車過嚟, 話顏色一樣, 睇佢咁款塘人就問佢幾時會有車睇, 佢就話聽日會Call塘人, 睇下個客會幾時還車, 就可以賣;

塘人睬佢都憨x, 攞哂報價單回家自己所做過的搜集資料一對就發現條仆街報貴咗兩千蚊給塘人, 之後一日就收到佢message話要explain啲嘢給塘人知, 塘人知道佢無車賣又睬佢都傻, 反正又唔急買;

塘人另外再諗掂點樣用手上資料講價後就向自己銀行申請定車貸同埋俾保險Quote價, 當然唔會再搵呢條仆街, 打算另外走去另一間dealership講呢條仆街等完又等咁玩嘢嘅故事, 間接叫佢哋唔好玩小動作。

廣告

小圈子論

小圈子

塘人玩開的一個社交App由於感恩節做半價優惠, 所以塘人就買多些小Membership來玩, 純粹想攞多幾個電話, 再回港時約些港姨出來玩下;

根據傳銷定律, 塘人通常Hi一百個人頂多只得十個回覆, 再扣除自己唔太合眼緣的最後成功取得電話數目為兩個, 所以經常有人說自己搵唔到男/女人, 以前的塘人實在不能太過理解, 覺得或許還是完美主義問題, 後來看了一篇節目後矛塞頓開, 搞清楚到底是甚麼一回事;

或許有人說塘人肯定報自己在美國, 手上有資產, 收入又穩定所以引到啲港姨, 如果如此諗又實在太過睇得起她們, 有不少根本就頂多只會望塘人張相, 完全地無認真地睇到塘人個Profile說自己在外國, 另外塘人也無必要報咩身家收入, 因為覺得講咗啲女又唔會當係啲咩一回事, 下邊會再講點解;

在塘人的角度, 一個女人過了三張還在找尋所謂愛的話就已經太遲, 當然社交App上的不少港姨好像並不覺得這樣, 還認為自己有得揀落去, 要是這樣的話就涉及到眼光的問題, 成世女發夢多過Date男人的港姨又會有啲咩眼光去分別?  難怪會有不少騙財騙色的男人出現。

華人好講三鋼五常, 不過普遍係流於講而已, 利益當前應該連自己老母姓咩都唔會記得, 由於利益, 華人一直保持着利益群體圈內的文化, 所以通常華人父母會很注重自己的子女會群甚麼圈子, 或者會出手干預子女應該要群咩圈子, 因為會直接影響到一個人日後的富貴貧賤;

由於華人注重圈子, 所以想富貴發達就要攀附富人, 所以做生意人其實不是要注重做實業或發展創新科技去造福社會, 而是專心鑽研有無識人做官或何人有錢途徑, 連雞皮之事如攞個車牌搵份工睇個醫生都要睇有無係裡邊識人, 所謂上樑不正下樑歪, 導致社會上人人唯利是圖, 為了進入更富貴的圈子而不擇手段, 而且圈子之間有貴賤分別, 從而有階級之分, 可以此來憎人富貴嫌人貧;

所以男男女女不是甚麼找不到伴侶, 而是在自己社會階層的圈子中找不到伴侶, 不要對他們說甚麼Think outside of the box, 他們下意識知道有啲嘢困住他們, 但要他們Go Outside實在唔會夠膽, 因為就算識到伴侶, 自身的圈子容不下, 還要行落去的話就要預料有很大的阻力。

所以不要怪多年的朋友無心見面, 或男女朋友突然變臉, 主因依然是你其實並不在他們的圈子, 或者是依從他們圈子的話, 利益比較起來更大, 就此而已, 非常簡單直接。

或許有人會問:美國人沒有社交圈子嗎?  答案當然是有, 不同的卻是他們就算獨立思想和行動, 通常都不會導致自己被圈子拼棄, 而且圈子之間的階級意識沒有太過明顯, 所以不少有外國宗教信仰的華人是特別的乞人憎, 知道你不同宗教後未遇過不會態度突變, 還是由於信仰建基於圈子之上, 不同就不能相容;

返回港男女不能從圈子外找伴侶, 如果跟自己社交圈的人說:我男/女朋友是在街上/Bar枱上識的, 阻力肯定會美國人大。

最後還是要結論一下, 有圈子可以幫你或害你, 想真正獨立有思想地做人, 還是最好唔依賴圈子生存, 不過在華人地區一個人無入富人圈子都應該難以富貴。

離地的苦衷

index

早幾日塘人被其他Trainer逼去帶住一隊十幾人的Trainee去預演恐怖襲擊的處理方法, 期間有學員(或塘人自己)㩒錯掣, 導致原本的演習被控制中心當成嚟真料, 當地警察部門還跟蹤GPS派了成個特種部隊荷鎗實彈, 公司派了成Team Supervisor到場支援, 事後塘人這個前無古人的事跡被成個Training笑到肚痛, 還為此改了以後演習的程序;

之前篇文說塘人帶住兩個阿伯, 那位說塘人歧視他當英文為第三語言的阿伯在第二次州試都被Fail, 自動被炒後佢自己甚麼都無交代, 就咁行出公司門口, 制服工具都無放低連影都無埋, 為此塘人心中暗爽唔使再Train佢, 抵鳩佢死;

當然塘人不會只睇學員之表面, 暗地都幫他來個起一起底, 發現原來此君有盤生意會為一些中小型公司做顧問, 所謂幫他們解答疑難雜症, 難怪他這樣咁Easy入手與三唔識七的同事講嘢, 不過其身不正, 只用自己的"悲慘"故事來搏(尤其女人)同情, 反正這類人覺得自己無咗份工都只會是其他人給他帶來的問題;

返回正題, 這個社會有不少已成功的人士總喜歡給貧苦大眾給些他們覺得會幫助他人成功的意見, 當然這些所謂的意見總會給他人帶來認真離地的感受, 或者用講風涼話這句來表達更能貼切, 你已經成功有財有勢佔有先機, 如何與低下層之人相提並論, 講出一套他人也能用的成功方法?

假設所謂已成功之人起初靠實是實幹來發跡, 到突破了一個瓶頸後他就必然離地, 向超越了他本人能力的財力或地位進發, 之後他就真的只能靠一個自動運轉的System (Other People Time or Money)來維持他現在的所有, 就像一個裝有飛行器的人類已經不靠本身能力來跳上天, 但只要飛行器一壞佢就墮地死亡;

所以一個靠飛行器的已成功人士所提倡的成功方法, 譬如做事要努力, 與一個還是靠自己雙腳跳的還未成功的人所理解的做事努力, 必然不是在說同一件事, 可惜已成功人士從不說重點, 到底他是如何獲得"飛行器"?

難道是心態要正確去想有"飛行器", “飛行器"就會在合適的時間, 地點而為已成功的人士而出現嗎?

所以說如果未成功的人去抄襲已成功人士之道其實是實行的方向錯誤, 一直不能知道人家獲得飛行器的暗地資訊, 已成功人士叫你努力跳就怎樣去跳也達不到那種財富地位, 所以還是最好自己留返啲心力時間向金錢去做好目前本份, 非份之想去靠自己彈彈下就想能脫離打工奴隸之列最後總會成為人家的點心而已。

鬥奸

dog-digging_5

上一Class塘人送走咗個教極都唔入腦, 仲要多多Excuse的廢柴之後, 今個Class公司又送多一個, 不過老餅啲嘅巴西佬過嚟, Train到第二日塘人就已經頂佢唔順;

每一次塘人教佢嘢, 然後問佢明唔明白, 佢話明白後叫佢做又做唔到, 於是塘人便叫佢每次塘人講完嘢就重覆給塘人聽, 雖然係重覆到, 但係竟然又係做唔到;

由於塘人份工在第一個Training Week就要新丁考一個州試, 塘人Train咁耐人都從未試過有人Fail, 呢條蛋散就偏偏幫塘人開鮑, 就Fail俾塘人睇;

除他以外, 塘人這班還有一個份人唔多出聲, 剛從羅省搬過來唔夠兩個月的所羅門人, 雖然同是老嘢, 他就除了記性差啲之外就無咩要塘人操心, 而且在州試中Pass咗;

一個Pass, 一個Fail, 塘人當然所能做的方向一定不同, 由於條廢柴要重考多一次, 再Fail當然塘人已經讓他與Training簽了張生死狀, 不過呢啲所謂生死狀通常在簽完之後就似一個咒術一樣, 塘人從未見過有人在簽完後可以生存, 所以連之前塘人個Friend簽咗最後都過唔到, 更何況這件友如此早簽;

簽完生死符咒後這件廢柴就周圍在公司找些他三唔識七的同事說考他的Examiner對他不公平, 又在言語上為難佢等等, 塘人見此人如此在搞搞震, 立即就上報給上司知, 要提防這條廢物;

這條廢物與塘人上Class的廢物一樣, 自己Make咗Mistake之後才問塘人,然後就當係塘人指示佢而導致Make了這個Mistake, 塘人通常就會記低時間和地點, Bookmark他這個行為, 然後再向上報告;

由於所羅門人Pass了州試, 塘人就開始教他工作程序, 而條廢柴就繼續準備重考, 然後他就說他忍無可忍, 說塘人Favor所羅門人是歧視佢, 塘人見佢玩呢招就搵當值上司介入, 連州試都未考成就玩嘢真係唔知佢真傻定假傻, 搏自己再考唔到時就話塘人歧視佢, 搏公司無得炒;

暫時未知Training會點對待呢條友, 不過可見的是他一定會周圍扮可憐, 又搵啲與佢三唔識七的人去訴苦, 不過佢其實訴極都無咩幫助, 他要留低依然會係塘人Train佢, 而他玩呢啲塘人當然就唔會放過佢, 塘人用佢老母發誓佢一定無得玩。

世上有勞是否會獲?

scam-artist-_KAR_-_Fotolia_large

早一兩日塘人見到一篇港師奶的文章, 說自己一家受政府資助而一家生活, 所以生活的Budget很有限, 於是乎便在文中說感謝她的讀者幫手Click廣告, 讓她們一家有多餘的錢去使費;

塘人看畢還是同款感覺, 為何這個世界有這麼多的Cheap人, 這位三張未足師奶的行為猶如在香港的各大小隧道中靠自/他殘來求人同情的乞丐一般, 讓一向自強的塘人看畢愈感討厭;

當然讀者要幫她Click廣告之說有否也不知是真是假, 或許寫出來就純粹是為了提提讀者要幫她Click, 不過正在閱讀此文的您不用太過擔心, 塘人並不是要寫此文來提大家去Click廣告, 因為就算賺到也只純粹用去捐而已;

回到正題,基本上有些事情每隔幾年就會來一穫, 社會總會跳出些"成功人士"來指點大家如何搵到很多錢, 對於已經逐漸討厭打工的讀聽者來說就似是風暴中找到一絲的希望, 想靠大師的幫助來所謂脫困, 逃離做打工奴隸的厄運;

當然"成功人士"就算講到自己家財萬貫, 通常都實在難以不得不向聽讀者收費, 好似在說既然要我傳授成功之法, 就要表示些誠意, 否則就會被認為免費知識沒有人會珍惜一樣;

最後聽讀者通常都付了錢去買書或課程來學, 不過"成功人士"之道卻不斷地有新方法Update, 要知道更多就請不斷地付出更多的誠意, 卻像港兵溝港女般永遠都直搗不到黃龍;

就如上邊所說靠賣可憐來希望讀者去Click廣告的90後港師奶一樣, 永遠她們一家都要靠政府的資助來生活, 永遠都唔夠錢去買餸, 也永遠地出些重覆再重覆的文來搏人付出;

跟隨科技的發展, 傳統上的多勞多得的做人方式已經逐漸被打破, 社會上有很多人只靠把嘴, 或在網上Show下波, 拋下眉眼就已經比一個月做三十日的普通打工仔女賺得更多收入, 而在世界各地有不少擁有土地的農民賣出土地給發展商而暴富, 肯定的是耕地逐漸減少最終就會引爆糧食危機, 然後死一堆人後又重頭來過;

現今社會的風氣教人唔Do就能成功, 就像世界各地的中央銀行不斷靠印銀紙來谷經濟一樣, 最後結果就是社會生產力會被爆一鑊甘, 當然已成功了的人不會太過Care, 因為到時又會有新的"成功人士"出來教人成功方法;

“已成功"的人不會有報應, 報應只會出現在"一直付出而最終都未能成功"的普通人身上。


準備出手

images.jpg

塘人一向買賣投資嘢其實全憑感覺, 再用銀行的按揭計數算一算後覺得無死錯人就出手, 外人眼中可能覺得塘人痴鳩線, 塘人反而覺得點解有人就算計好數都總要縮下縮下, 又或者佢哋根本就無計數, 就扮計咗數, 純粹想向其他人說教而已;

說起計數, 塘人有一樣嘢到而家都仲未諗得通, 就係有唔少講自己好有錢或好幸福嘅人好像總會出現在網絡上, 不停地向人說教或曬幸福, 然後又以此來出書, 或放條Airbnb, Groupon Link讓人Click廣告, 實際此人是否真的有錢或幸福?  就真的天知道;

塘人回港時見了很多Blog友, 總算當係找咗條數, 而家唯有好像還未去見到早月兄, 但而家成日被Training拖住要返六日工搞到唔知幾時至去到, 另外車禍後的手尾還未搞掂, 希望總會找到與早月兄Blog聚的這條數;

在新的脊醫建議下照了一次MRI, 發現到原來有壓逼神經, 唔怪得一直都醫唔好, 原來根源就係條頸骨壓住條神經, 而家醫生建議一邊打止痛針, 一邊物理治療, 塘人心想咁搞法咪隨時醫藥費咪過萬?!

另外法庭還未開始審條PK, 希望到時會判返啲精神賠償給塘人;

最近見到一直以來的監視地點出現了幾個樓盤, 以往唔使十日八日就被人買咗去, 而家反而見到有些一個月都未去到Under Contract, 塘人立即計下數後就叫老墨老弟約四間嚟睇, 入到好價的話就一次過入兩間, 自住和放租各一用途, 費時而家老婆成日鬧返工遠, 其實就算搬都只能慳到十分鐘;

另外塘人實在難以抵抗想買新車的慾望, 所以除咗睇樓之外還不斷去睇邊款All Wheel Drive的SUV最合眼緣, 不過肯定的是買樓和買車在借貸上是對立的, 即係隨時塘人睇啱樓的話又要把買車之事再拖, 所以感覺實在有啲不太Enjoy了。

最後塘人三月中要落賭城拜山, 所以搞咩都好, 最好三月前搞掂。

虛擬袐書抵唔抵Deal?

DO_YOU_NEED_A_VIRTUAL_ASSISTANT

塘人與贖身誌Blog Ryan Blog聚時, 他曾經提及到一本叫"4 Hour Work Week"的書, 當時塘人所知的內容大概是講作者如何把自己盤生意的工作分工外判出去, 使自己不用做太多與搵錢無關的工作;

回到美國後突然醒起這本書, 由於本是美文書, 於是便上Google Play看有無中文譯本, 最後發現原來係無, 唯有焗住買美文版;

睇咗百幾頁, 塘人都未了解到該作者到底是做什麼工作以致到他可以把生意中的工作外判到出去, 當然他所說的由於把工作辭掉而由年四萬美元收入暴漲到今時今日四萬美元月收入實在吸引, 另由於他很多的工作外判出去, 實質他已經唔使Do, 周圍遊山玩水去了;

也是睇了咁多頁, 塘人也順便查了一些有關虛擬袐書的資訊, 基本上他們以接Job型式, 被付時薪地幫助生意人處理日常大小事務, 當然由於不是實體, 老細並不能讓這位袐書倒咖啡, 性騷擾或揸籮柚了;

現時塘人所知比較老實的虛擬袐書網站有Upwork.com和Freelancer.com兩處;

除了在這些網站Post Job供人家接, 這些網站也可以用來求職, 成為人家的虛擬袐書, 如有人想以自身的技能來增加自己的收入, 大可以出賣多餘的時間, 賺多一百幾十;

由於塘人完全沒有創業的Idea, 所以暫時還不知道可以用虛擬袐書來做什麼, 當然有諗過付錢請人寫Blog Post, 不過突然間寫作太Pro又感覺讀者們不會習慣, 所以這部分還是自己操刀好了。