見車禍律師

index

自從塘人七月回家途中俾條醉酒鬼佬督過屁股, 條頸就每逢塘人坐兩三個鐘就開始痛到好似俾針督一樣, Keep住睇個脊醫幾個月都他媽的好唔到;

臨回港前的星期一脊醫想幫塘人玩新療法, 佢一玩完首先塘人起唔到身, 然後就行路痛到仆街, 然後第二日星期二叫條仆街輕手啲唔好咁重手, 雖然最後佢真係好似輕手咗, 但塘人仲痛過星期一, 行路直頭要彎住嚟行, 逐漸覺得條友都唔知係咪幫塘人傷上傷, 便萌生轉脊醫的念頭;

在香港臨上機的前一日, 塘人去搵咗個北菇去按摩, 俾佢又踩又砰砰砰咁推完成個人直頭真係鬆哂, 件仆街脊醫用幾個月, 使咗保險公司幾千美金嘅治療不及一個四百港元嘅北菇兩個鐘頭使盡奶力去按, 真係搵唔啱醫生就真係永遠都醫唔好病;

不過坐完廿粒鐘機後北菇嘅努力好似八成報廢, 塘人條頸又想嚟料;

塘人一返到美國就開始Train人, 不過係因為之前個Trainer搞呢兩條粉腸唔掂, Training上司想睇下塘人有無法子搞掂佢哋, 塘人第一樣做的就係叫兩條粉腸去Training Deapartment度簽張生死狀, 即係星期五前佢哋無Improvement就炒;

當然叫佢哋簽之前就講得好Nice, 問下佢哋有咩方法公司可以幫到佢哋完成Training, 實質當然係做下樣去問你, 然後仲Train唔掂的話就返屋企;

其中一個仲有得救的(塘人個老Friend)當然知道簽呢張嘢的意圖(塘人就係連Friend都唔放過), 另一個在成個Training入邊只識食同痾的廢柴還以為自己有機會抒發己見, 老屈塘人和之前Trainer唔識教佢, 實質塘人已經挖好個洞, 等住星期五或六炒燃咗佢;

塘人星期三自製咗個Day Off, 原先自以為好爽地搭巴士去驗肝, 不過睇完醫生後發現Miss咗班車之餘下一班車要兩粒鐘後至到, 而且還未計要搭半粒鐘車;

Google Map一望原來行返屋企就只用一粒鐘, 咁就用11號順便行夠一萬步, 行咗大概45分鐘, 行到平時老婆睇開, 叫塘人轉咗好耐間脊醫度, 就入去問有無Appointment , 櫃檯就話可以即時入去睇;

個脊醫聽完塘人個Case, 就開始用和之前脊醫唔同嘅方法去醫, 又lock骨又推又電又熱pad又凍lotion, 俾佢玩完好似又鬆返八九成, 不過佢話最好去照個MRI睇下有無傷咗肌肉邊度, 又介紹咗個車禍律師給塘人, 另外如塘人覺得Massage work的話也可以順便Schedule埋;

幸好塘人因為投資房地產和自己報稅, 所以好Organize自己手上的文件, 一見律師就隊哂所有嘢俾佢, 佢一睇就知道條醉酒佬100%錯哂, 保險公司包哂塘人的所有醫藥費, 呢舖拖到而家真係隨時過成皮嘢美金;

律師費個度佢話其實係由保險公司的賠償金額中再另外付33%給他們, 所以此筆費用完全與塘人無關, 塘人心想他媽的之前脊醫唔見佢介紹個律師嚟, 讓塘人浪費了大量時間與保險公司交代, 而家全部嘢由律師搞掂, 唔使煩最好;

所以話係美國炒車好多嘢做和煩, 下下用的是時間, 未計要上Court睇住條醉酒仆街鬼點俾法官判入獄然後係入邊俾人隊屎眼, 呢單嘢真係唔知玩到幾時至肯完。

廣告

2 thoughts on “見車禍律師

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s